Boris Johnson: Të merresh me Putinin është si të negociosh me një krokodil

Kryeministri i Mbretërisë së Bashkuar, Boris Johnson, ka sugjeruar se bisedimet me Rusinë për t’i dhënë fund luftës mund të dështojnë. Boris Johnson tha se të merresh me presidentin rus Vladimir Putin ishte si të bësh bisedime me një “krokodil kur e ke këmbën në nofullat e tij”. Duke folur me gazetarët gjatë një fluturimi për në Indi, kryeministri i Mbretërisë së Bashkuar tha se Putini mund të shkojë të negociojë vetë nëse do të kishte fituar një pozicion të fortë në Ukrainë.

Ai paralajmëroi se Putini mund të kërkojë të nisë një sulm të ri në kryeqytetin Kiev. Sa i përket palës ukrainase, Johnson mendon se presidenti Zelensky dëshironte të shihte forcat ruse të largoheshin nga Ukraina lindore. Por ai tha se Zelensky do të konsideronte të fliste edhe për Krimenë një gadishull që u aneksua nga forcat ruse në 2014. Në çdo rast, ai tha se është në dorën e njerëzve që të vendosin për të ardhmen e tyre. “Asgjë nuk duhet të vendoset për Ukrainën pa Ukrainën,” – tha ai.