Dy pitbullë shqyejnë për vdekje gruan që i ushqente

Mamaja e pesë fëmijëve nga Karolina e Veriut, 46 vjeç, u sulmua për vdekje në një sulm brutal në shtëpinë e saj nga dy qen të racës pitbull për të cilët po kujdesej.

Trena Peed, e cila kohët e fundit humbi dy djem në një aksident automobilistik, po i linte qentë e saj të dilnin herët të enjten në orën 2 të mëngjesit kur ata e tërhoqën zvarrë në oborrin e shtëpisë.

Fqinjët raportuan se po atë natë kishin dëgjuar britma. “Ishte errësirë. Gjithçka që dëgjova ishte atë duke bërtitur dhe qentë atje duke e sulmuar”, tha një fqinj.

Djali i Peed ishte brenda në shtëpi në kohën kur ndodhi sulmi nga qentë dhe u zgjua e pa nënën e tij të vdekur.

“Sot herët në mëngjes, mamaja ime u largua tragjikisht prej nesh nga një sulm i egër nga qentë”, tha vajza e gruas, Waynesha Peed, duke shtuar: “Vëllezërit e motrat, gjyshja, familja ime dhe unë jam zemërthyer për vdekjen e saj të papritur”.

Nuk ishte e qartë se kush është pronari i pitbullëve dhe policia ende nuk ka ngritur asnjë akuzë. Oficerët qëlluan një nga qentë në vendngjarje, ndërsa tjetri tani është në kontrollin e kafshëve i izoluar.

Harris i kishte thënë asaj që të mos kujdesej për dy pitbullët vetëm disa ditë më parë, tha ajo.