E konfirmuar: Vdes agjenti i njohur Mino Raiola

Ka ndërruar jetë në moshën 54-vjeçare, Mino Raiola, agjenti më i njohur i futbollit në botë.

I konsideruar si një ‘super agjent’ në botën e futbollit, Raiola përfaqësoi disa nga emrat më të mëdhenj të sportit nga Paul Pogba dhe Zlatan Ibrahimovic te Matthijs de Ligt dhe Gianluigi Donnarumma.

Ai ishte gjithashtu agjent i sulmuesit të Borussia Dortmund, Erling Haaland, 21 vjeç, i cili është një nga lojtarët më të kërkuar në futbollin botëror dhe është në prag të një lëvizjeje te Manchester City.

Në një deklaratë nga familja e tij thuhej: “Në pikëllim të pafund, ndajmë ndarjen nga jeta të agjentit më të kujdesshëm dhe të mrekullueshëm të futbollit që ka qenë ndonjëherë.

“Mino luftoi deri në fund me të njëjtën forcë që vendosi në tavolinat e negociatave për të mbrojtur lojtarët tanë. Si zakonisht, Mino na bëri krenarë dhe nuk e kuptoi kurrë.

“Mino preku kaq shumë jetë përmes punës së tij dhe shkroi një kapitull të ri në historinë e futbollit modern. Prania e tij do të mungojë përgjithmonë.

“Misioni i Minos për ta bërë futbollin një vend më të mirë për lojtarët do të vazhdojë me të njëjtin pasion”.

Raiola lindi në Itali, por u transferua në Holandë si fëmijë.

Ai filloi të punonte si agjent në fund të viteve 1980, me marrëveshjen e tij të parë të madhe që ishte transferimi i Pavel Nedved nga Sparta Praga te Lazio në 1996.

Një nga marrëveshjet më të mëdha të mbikëqyrura nga Raiola ishte kthimi i Pogba në Manchester United nga Juventus për 105 milionë euro (87.4 milionë £) në 2016.

SHARE