Kishte dalë ‘xhiro’ në zonën e Fushës së Patates, majmuni kap me shpulla policët e bashkisë Sarandë

Një ngjarje jo e zakonshme është regjistruar ditën e sotme në qytetin e Sarandës.

Sipas mediave, një majmun, që rrinte në kafazin e një subjekti privat në zonë, ka dalë duke bërë një ‘xhiro’, por qytetarët kanë menduar që është ari dhe kanë njoftuar policët.

Telefonuesi raportonte se në zonën e Fushës së Patates kishte parë një ari, por ai ishte majmun.

Policët bashkiakë kanë tentuar të kapin majmunin, por ai është egërsuar dhe ka rrahur me shpulla punonjësit e bashkisë Sarandë.