Lefter Koka largohet nga burgu “313”, ja ku do të transferohet ish-ministri

Ish-ministri i Mjedisit, Lefter Koka do të transferohet nga burgu “313” në Tiranë, në paraburgimin e Durrësit.

Pasi gjykata dha arrest me burg për Kokën, ai u transferua fillimisht në ambientet e “313”-ës ku qëndroi disa kohë, por për arsye shëndetësore u vendos transferimi i tij në spitalin e burgut.

Mesa duke, me mbërritjen e ish-deputetit Alqi Bllako në ambientet e burgut “313”, është menduar që të dy të ndahen për arsye sigurie dhe hetimore dhe Koka të transferohet në paraburgimin e Durrësit, raporton BW.

Kujtojmë se Koka dhe Bllako ndodhen pas hekurave me akuzat e ngritura nga hetuesit e SPAK për korrupsion dhe shpërdorim të detyrës lidhur me çështjen e inceneratorëve.