Mjeku shqiptar s’do 6000€ rrogë në Gjermani: Më mirë vij punoj atje për 600€

Një mjek shqiptar i Kosovës i ndodhur me punësim në Gjermani ka bërë xhiron e mediave me deklararën e tij. Ai ka thënë se rroga e një psikiatri-psikioterapeuti, shkon nga 15.000-20.000€ ndërsa ajo e një specialisti 6000€.

“Një specialist fillon diku me 6 mijë euro bruto në muaj, por me taksa, prej 6 mijë mbesin diku 3 mijë e 500 euro. Pjesa që mbetet pastaj ka shumë shpenzime tjera, edhe shpenzimet e specializimit kushtojnë mjaft shumë. Në rastin tim, psikiatër-psikioterapeut, përfshin 15 deri në 20 mijë euro, varësisht cilën pjesë e merr përsipër klinika me e pagu”,-deklaroi Pepshi.

Liri Pepshi ka rrëfyer se se të punosh mjek në Kosovë dhe të marrësh 600€ është më mirë se të punosh në Gjermani dhe të paguhesh 6000€. Kjo pasi puna është shumë intensive dhe oraret janë të tejzgjatura.

Tutje mjeku kosovar tha se në Gjermani ia vlen të shkohet për specializim, por u shpreh skeptik për të vazhduar punën atje, për shkak të punës intensive dhe orarit të tejzgjatur.

“Ia vlen sa i përket specializimit, domethënë me u mësu me metoda të reja, më mësu zhvillimin modern të mjekësisë, mirëpo pjesa e rrogës, është e mirë, nuk është e keqe, mirëpo puna është shumë intenzive, orari është zyrtarisht deri në ora 5, por janë shumë të rrallë ata mjekë që e kryjnë punën në ora 5”,-tha ai ndër të tjera.