Rast unik, lind foshnja shqiptare rreth 6.5 kg (foto)

Në Klinikën e Gjinekologjisë në QKUK në Kosovë ka lindur një foshnjë me peshë rreth 6.5 kilogramë.

Lajmin e ka bërë me dije vetë klinika me anë të një postimi në rrjetet sociale, ku shkruan se 30-vjeçarja ka lindur me operacion fëmijën e saj me 6.5 kg.

Edhe pse ka qenë një lindje e vështirë, fatmirësisht nëna dhe bebi janë në gjendje të mirë shëndetësore.

Njoftimi i plotë:

Në Qendrën Klinike Universitare të Kosovës u lind një foshnjë me peshë rreth 6.5 kilogramë, që përbën një rast unik në historinë e Klinikës së Gjinekologjisë.

Mes vështirësive, të cilat i ka krijuar Pandemia COVID-19, sidomos ditëve të fundit, një ekip i përbërë nga gjinekologë, anesteziologë dhe mami, realizuan suksesshëm lindjen me operacion.

Pacientja me inicialet I.P. nga Drenasi, e lindur në vitin 1991, që edhe dy lindjet e para i ka kryer me operacion, dhe foshnja janë në gjendje të mirë shëndetësore.